Svarfhóll

Gamli bærinn á Svarfhóli var byggður um 1940, en hefur verið endurgerður að innan sem utan. Síðasti ábúandinn brá búi árið 1973, en jörðin var í eigu hestamannafélags Glaðs til ársins 1998. Margirhestamenn kynntust Svarfhóli á þessum tíma og var jörðin mikið notuð fyrir alls kyns starfsemi Glaðs, m.a. sem áningarstaður fyrir hestaferðir um dalasýslu og nágrenni.

Síðan 1998 hafa nýjir eigendur á Svarfhóli endurgert og lagfært húsnæðið til að stafsrækja þar ferðaþjónustu fyrir einstaklinga, fjölskyldur og ferðahópa. Með því að bygga bjálkahús til viðbótar á jörðinni hefur aðstaða ferðafólks verið stórbætt, sem gerir Svarfhól að eftirsóttum hvíldar og dvalarstað með öllum þeim þægindum sem sveitasælan ein getur boðið uppá.

Hægt er að fá húsin til leigu í lengri eða skemmri tíma og með því að taka allt gistipláss á leigu geta um 35-40 manns gist á Svarfhóli í einu, ýmist í rúmum eða í svefnpokaplássi.