Svarfhóll

Svarfhóll er einn af þeim stöðum sem liggja miðsvæðis í Dalasýslu og því kjörinn áfangastaður fyrir þá sem vilja skoða sig um við Breiðafjörð.

Frá Svarfhóli er einnig stutt á aðra staði eins og Snæfellsnes, Hrútafjörð og Borgarfjörð en hvort heldur ferðamenn eru akandi, gangandi eða ríðandi þá eru óteljandi aðrir möguleikar á áhugaverðum skoðunarferðum í allar áttir.

Reiðleiðir milli Norðurlands og Vesturlands liggja mjög nálægt Svarfhóli, s.s. um Laugarvatnsdal úr Borgarfirði, um Sanddal og Reykjadal úr Norðurárdal og um Haukadalsskarð í Hrútafjörð.